Ramz Hayati رمز حیاتی

Ramz Hayati By Raja Abid Hussain Fidaa
درد حیاتی موسوم بہ رمز حیاتی شاعر راجہ عابد حسین فدؔا

راجہ عابد کے شعری شعور میں ابیات کے جہان کی بہت سی رعنائیاں اس کے ثقافتی خزانے کے طور پر محفوظ ہیں اور ابیات نوازی اس کا ورثہ ہے اور ابیات ہی کا حسن انتخاب اس کا شعری مزاج … میں اس کا عینی گواہ ہوں کہ وہ بیسویں صدی کے آخر اوراکسیویں صدی کے آغاز میں بیت نوازی کا بے تاج بادشاہ ہے اور اس کا ذوق نگشت اس قدر بلند ہے۔ کہ وہ کسی چھوٹے موٹے پھول پر ہاتھ ہی نہیں رکھتا اور شہد کی ملکہ کبھی کی طرح کسی بدرنگ بد ذائقہ اور بودار پروں والے خیال اپنے ذہن کے چھتے پر اترنے ہی نہیں دیتا اور شاید یہی بات اس کی کامیابیوں کا راز بھی ہے۔بہر نوع راجہ عابد فدا اعلی درجے کا مزاج شناس بھی ہے اور جہاں شناس بھی اسےاپنی شعر نوازی شعر نہی اور شعر گوئی پر پورا پورا اعتماد ہے وہ پوٹھو ہاری ابیات کی ہواؤں فضاؤں سے بھی واقف ہے اور ان کے تیوروں سے بھی ۔ اسے اپنے رہنما معروف شاعرجناب حنیف حنفی کی معرفت سب کچھ پتہ ہے کہ اس نخلستان شعر میں کون کہاں سے کتنا اگا ہے۔ یقین ہے کہ جس طرح اس نے ابیات نوازی کو (راجہ خوشحال خان اور سائیں برکت علی کے بعد ) معنوی طور پر کئی جدتوں سے نوازا ہے بالکل اسی طرح وہ ابیات گوئی کے نئے امکانات کو بھی دریافت کرے گا۔ انشاء اللہ ۔

اختر امام رضوی
کوٹ سیداں
۷ اکتوبر ۲۰۰۳ء